Loading

Saturday, November 9, 2013

ரசிகன் ரொம்ப ரொம்ப பாவம் பாஸ் !


சில வாரங்களாக,தமிழ் சினிமாவில்
ஹீரோக்கள் தான்  பாவம்,
வில்லன்கள் தான் பாவமென வரிந்துகட்டி எழுதியவர்களை
பார்த்து பெரும் மனஉளைச்சலுக்கு ஆளாகியுள்ளேன்..

உங்களோட ஐந்தாம் அறிவை ,சாரி ஆறாம்அறிவை கொஞ்சூன்டு யோசிச்சு பாருங்க,
யார் பாவம்னு உங்களுக்கே புரியும் பாஸ்!

முழுசா ஒரு அஞ்சு நிமிஷம் கூட கண்ணாடியில நம்ம முகத்தை,நம்மளாலயே
பார்க்க முடியாதுங்க ..ஆனா இரண்டரை மணி நேரம்,ஹீரோவையும்,வில்லனையும்,
பத்தாத குறைக்கு லூசுத்தன கேரக்டர் கொண்ட ஹீரோயினோட மூஞ்சூரு,சாரி மூஞ்சியையும்
கண் கொட்டாம ,கண் எரிச்சலோட பார்க்கிற எங்க வலியையும் நினைச்சு பாருங்க!

அது மட்டுமா?ஹீரோவோட நண்பர்கள்னு ஒரு நாலு பேர்,
வில்லன்களோட அடியாட்கள்னு ஒரு பத்து பேர்,
இவிங்க எதுக்கு வர்றாய்ங்க,போறாய்ங்கனு தெரியாமலேயே
கடைசிவரை குழம்பி,புலம்பி,புண்பட்டு அகோரியா மாறி
வெளியே வர்ற எங்க நிலைமையை பதினோரு பேர் கொண்ட குழு
அமைச்சாலும் நீங்க தீர்க்க முடியாதுங்க!

கன்னத்துல மரு வச்சதால,வில்லனுக்கு ஹீரோவோட அடையாளம் தெரியாம
போய்டுச்சேங்கிறதை அப்படியே நம்பி,கடன்காரன்கிட்ட
மரு வச்சு ஏமாத்த பார்த்து,ஒரு ரூபா காய்ன் சைஸ்
"வடுவ" கன்னத்துல வாங்கிட்டு நிக்குற
எங்க நிலைமையை பத்தி யாராவது தெரிஞ்சு வச்சிருக்கீங்களா?

துப்பாக்கியை எடுத்து வில்லன் சுடும்போது,
கழுத்துல மாட்டியிருக்கிற டாலரால
உயிரை தக்கவச்சுகிட்ட "சூப்பர் ஹீரோவை "நம்பி
நாங்களும் மனைவியோட பூரிக்கட்டை அடியிலிருந்து தப்பிக்க,
டாலரை மாட்டிப்பார்த்தோம்!
மனைவி அடிச்ச அடியில டாலரையே காணோம்ங்க,
அப்படி ஒரு அடி,அகழ்வாராய்ச்சி நிபுணர்கள்
வந்தா கூட அந்த டாலரை உடம்புல இருந்து தோண்டி எடுக்கமுடியுமானு தெரியலைங்க!

பறந்து பறந்து அடிக்கும் ஹீரோ,
ஒரு ரயிலையே தாவும் ஹீரோ,
ஒளி வேகத்தில் பாயும் ஹீரோ,
இப்படி பல கிலோ மீட்டர் பாயும்
இவர்களையெல்லாம் நம்பி,
பரிட்சார்த்த முயற்சியாக தாவிப் பார்த்து,ஹைவேஸ்காரன்
தோண்டி வச்ச பள்ளத்தில் விழுந்து பாண்டேஜ் போட்டுக்கிட்டதுதான்
மிச்சம் பாஸ்!

வேலைக்குப் போனாதான் பொண்ணு தருவாய்ங்கனு,
நினைச்சுட்டிருந்த எங்க மனசுல,ஊர் சுத்துறவன்,தண்ணி அடிக்குறவனைத்தான்,
பொண்ணுங்க தேடி வருவாங்கன்னு நம்பவச்சு,இருந்த வேலையையும்
உதறிட்டு ,பொண்ணு வருமா?பொண்ணு வருமான்னு காத்திட்டிருந்த எங்களுக்கு ,
பசிக்கு பன்னு வாங்கித்தரக் கூட ஒரு ஆள் வரலைங்க!
இப்படி  எக்கச்சக்கமான வேதனைகளை உள்ளுக்குள்ள
வச்சுக்கிட்டும் கூட ,முதல் நாள்,முதல் ஷோ பார்க்க
முண்டியடிக்கும் எங்களை கொஞ்சமாவது  புரிஞ்சிக்க முயற்சி பண்ணுங்க பாஸ்!

சத்தியமா சொல்றேன்
ரசிகர்களான நாங்க  ரொம்ப ரொம்ப பாவம் பாஸ் !


No comments:

Post a Comment

விமர்சனங்கள் வரவேற்கப்படுகிறது

பிரபலமான பதிவுகள்